SRB

Panairi i Prishtinës

Gjashtë kompani prezentuan në Panairin AgroKos, nga 21 deri më 24 Tetor 2009 në qendrën e sportit “Rinia” në Prishtinë. Kjo iniciativë u fascilitua nga AZHPB, me përkrahje nga USAID/PPES programi. Ky ishte edicioni i 9-të i Panairit Ndërkombëtar të Agrobiznesit, Ushqimit dhe Pijeve “AGROKOS & DRINKS” 2009, një ngjarje që u shënua me rezultate të shkëlqyeshme, si: numër i lartë i prezentuesve, kualitet i lartë i prezentimeve, pjesëmarrje e lartë e partnerëve të biznesit dhe numër i lartë i vizitorëve. Me mëse 145 kompani ekspozuese nga 18 vende dhe me mbi 45,000 vizitorë, publik dhe professional, pjesëmarrja e kompanive nga Serbia në panair, dha rezultatet e pritura të fillimit dhe forcimit të bashkëpunimit tregëtar regjional.

120 m2 të hapësirës ekspozuese me infrastrukturë të kompletuar, në qendër të sallës kryesore janë marrë me qera për kompanitë tona. Trajnime përgaditore për pjesëmarrje në panaire janë mbajtur për kompanitë tona ekspozuese. I tërë materiali promovues është dizajnuar dhe shtypur paraprakisht.

Dy qumështore nga Presheva “Doda” dhe “Fontana”, një procesues qumështi nga Sjenica “Turkoviq”, “Moravka” – kompani ushqimi nga Leskovci, “Nutriko” një kompani që merret me prodhim të ushqimit të kafshëve nga Vranja dhe “Bivoda” prodhues i ujit mineral nga Bujanoci, ekspozuan prodhimet e tyre në këtë panair, duke i mundësuar kompanive të tyre të krijojnë kontakte të reja dhe të hyjnë ose të forcojnë pozicionin e tyre në tregun e Kosovës.